929 രൂപയ്ക്ക് ‘ലീപ് വീക്ക് ഓഫറു’മായി വണ്ടർല
കൊച്ചി: ഫെബ്രുവരി 24 മുതൽ 29 വരെ പാർക്കുകളിൽ ‘ലീപ് വീക്ക് ഓഫർ’ പ്രഖ്യാപിച്ച് വണ്ടർല ഹോളിഡേയ്‌സ്. ഓഫറിന്റെ ഭാഗമായി 24 മുതൽ 29 വരെയുള്ള ഒരാഴ്ച 929 രൂപ നിരക്കിൽ ടിക്കറ്റുകൾ ലഭ്യമാകും. ‘ലീപ് വീക്ക് ഓഫർ’ന്റെ ഭാഗമായി സന്ദർശകർക്ക് പാർക്ക് ടിക്കറ്റും ഭക്ഷണവും അടങ്ങുന്ന കോംബോ ടിക്കറ്റുകൾ 1229 രൂപയിലും ലഭിക്കും. ബുക്കിംഗ് നിലവിൽ ലഭ്യമാണ്. ഓൺലൈൻ ടിക്കറ്റുകൾക്ക് മാത്രം ബാധകമായ ലീപ് വീക്ക് ഓഫർ വണ്ടർലയുടെ കൊച്ചി, ബെംഗളൂരു, ഹൈദരാബാദ് പാർക്കുകളിൽ ലഭ്യമാണ്.
നാല് വർഷത്തിലൊരിക്കൽ ലഭിക്കുന്ന ഈ പരിമിതകാല ഓഫർ, വണ്ടർലയുടെ മികച്ച റൈഡുകൾ, ആകർഷണങ്ങൾ, വിനോദങ്ങൾ എന്നിവ മിതമായ നിരക്കിൽ എല്ലാ പ്രായത്തിലുമുള്ളവർക്കും ആസ്വദിക്കാനുള്ള അവസരം കൂടിയാണ്. വണ്ടർല എന്നത് റൈഡുകളും ആകർഷണങ്ങളും മാത്രമല്ലെന്നും ഓരോ സന്ദർശകനും ആസ്വാദകരമായ നിമിഷങ്ങളും ഓർമ്മകളും സൃഷ്ടിക്കുന്നതിനാണ് മുൻഗണന നൽകുന്നതെന്നും ‘ലീപ് വീക്ക് ഓഫർ’ അതിനുള്ള മികച്ച അവസരമാണെന്നും വണ്ടർല ഹോളിഡേയ്‌സിൻ്റെ മാനേജിംഗ് ഡയറക്ടർ അരുൺ കെ. ചിറ്റിലപ്പിള്ളി പറഞ്ഞു. കൂടുതൽ വിവരങ്ങൾക്കും ബുക്കിംഗിനും വണ്ടർലാ പേജ് സന്ദർശിക്കാം. 0484-3514001, 75938 53107 എന്നീ നമ്പറുകളിലും ബന്ധപ്പെടാം.
