സാരസ്വതം
വാക്കിരച്ചൊഴുകുന്ന സൗപർണികയുടെ, നാക്കിലെഴുതിയ പരംപൊരുൾ തേടി- എത്തിയെൻ മനമിനിയും മുടങ്ങാതെ ചിത്-
പാദം വണങ്ങി ചെങ്കുങ്കുമമണിയുവാൻ!!
ആരോഹണങ്ങളിൽ കയറിത്തളർന്നെന്റെ-
ആരോഗ്യവുംസ്വത്തുമണയാനൊരുങ്ങവേ,
അമ്മേ,നീയിറ്റിച്ച വാക്കിൻ ചെറുതുള്ളി,
അലിഞ്ഞെന്നിൽ കാവ്യ, മൃതസഞ്ജീവനിയായി!
കാടിറങ്ങിക്കരിഞ്ഞ മോഹങ്ങളെല്ലാമേ, കാടുകേറു,ന്നിപ്പോളമ്മതൻ പദംപൂകാൻ…
കുടയേന്തി നിൽക്കുന്ന വന്മരച്ഛായയിൽ മെല്ലവേ,
കുടജാദ്രി മലയേറാൻ കൈത്താങ്ങ് നൽകണേ.
ശങ്കരപീഠത്തിൽ ഇരിക്കേണം സ്വസ്ഥമായി,മനം-
ശങ്കയൊഴിവാക്കി നിർമ്മലമാക്കണം. ആതങ്കമെല്ലാം അകറ്റുവാനെത്തുന്നു, മന്ദമായ്-
സങ്കീർത്തനങ്ങൾ പാടിയിളം തെന്നൽ!
മൗനങ്ങൾ മന്ത്രം ചൊല്ലുന്ന മലമേലെ- ദാഹിച്ചു ഞാനെത്തിനിൽക്കുന്നു അംബികേ,
സാരസ്വതമിറ്റു നൽകുവാനാകുമോ- സൗന്ദര്യലഹരി സ്തോത്രം ഗ്രഹിക്കുവാൻ..!!
സുനിൽ രാജ്സത്യ
sangeethika
poorna Lane
SC Road
Trippunithura -982301
Mob-9447575984
This post has already been read 3200 times!
Comments are closed.